تعلمى المكياج بسهولة (أسرع طريقة لتصبحى أجمل..)



كل البنات فاكرة انك عشان تبقى اجمل واحلى تروحى تشترى مكياج وتجرى ورا كلمات بيعية محفوظة (اسرع طريقة لتفتيح البشرة,اسرع طريقة لتطويل الشعر,اسرع طريقة لتبييض الاسنان.....)وكل الكلام ده وغيره 
صدقونى الموضوع كله لايف ستايل يعنى أسلوب حياة 
أنا النهاردة عايزه اتكلم عن تجربتى الشخصية أنا بدأت من وأنا فى المدرسة أجرب ومشيت كتيير ورا الوصفات الطبيعية 
اللى يقولى انقعى فلفل رومى فى زيت زيتون لمدة اسبوع وحطى على شعرك شعرك هيطول ..طبعا لا بيطول ولا حاجه انا بفتح العلبة لقيت الفلفل عفن أصلا..تمام 
واللى يقولى اطحنى نوى البلح مع العسل عشان سنانك تبييض ..واعرف بعدها انه بيضر الاسنان وبيشيل طبقة الامونيا...

أعتقد كفاية بقى حررررررام 
وكنت بالاضافة لكده كمان بشترى مكياج رخيص من محلات الهدايا مكنتش أعرف بقى الاوريجينال والسيمى اوريجينال ولا الجو ده


 يعنى زى اللى فى الصورة كدة روج الالوان اللى كل البنات بتحبها الروز والبينك والفوشيا والجلوس ومرطب للشفايف 
 كحل طبعا وكونسيلر لتحت العين وماسكرا مش ماركة ومسرح الرموش وقلم رسم الحواجب
 كريم كنت متعودة عليه كان بيتعلن عنه فى التلفزيون واشتريته وارتحت عليه بيفتح البشرة وبيخليها صافية ورايقة
 مرهم جل لمنطقة العين مكنش بيدينى النتيجة اللى انا عايزاها
 ماسك للوجه للتخلص من الاتربة وتفتيح المسام وكان معقول 
وطبعا مكنش عندى تسريحة بمعنى الكلمة بس وحدة الادراج اللى انتو شايفنها دى ومراية عادية 
يعنى الموضوع مكنش مستاهل

اتنقلت بعدها للمرحلة التانية كنت فى الثانوى واللى دخلوا ثانوى عارفين اننا بنروح دروس وبنذاكر ومفيش وقت لاى حاجه
وفى نفس الوقت بتيجى المرحلة دى م مرحلة المراهقة يعنى هرمونات الجسم بتتغيير وتبدأ تظهر لنا حبوب فى بشرتنا لو مخدناش بالنا..
أدواتى فى المرحة دى كانت:
البى بى كريم كان اتشهر اوى الفترة دى كبديل لكريم الاساس 
مكنتش مركزة فى الماركة المهم انى عايزة اشترى بى بى كريم(من محل فى شبرا_شارع خلوصى)

 مزيل مكياج بصراحة عجبنى لانه مش بس مزيل ده كمان مرطب ومنظف للبشرة (من محلات المكياج فى وسط البلد)
 جبت الوان تانية من درجات الطوبى والروزات والاحمر والنبيتى واقلام التحديد (محلات الهدايا والمكياج)
 البلاشر والهايلايتر والفرشة الخاصة بيهم (محل فى شبرا_شارع خلوصى)
 الوان جديدة من الكحل والماسكرا كانت لسه مخلصتش والكونسيلر ومسرح الرموش
 علبة مناديل+البوكس اللى ورا ده أشتريته من محل خاص بالديكورات وعجبنى لانه لملى كل حاجتى وكان شكله مميز اوى

منظف للبشرة بجد منصحش بيه خالص قوى على البشرة ولو البشرة الجافة يبقى مينفعش تستخدمه خاالص(من كارفور)




المرحلة التالتة :لما دخلت الجامعة بقى:
المرحلة دى كنت خلاص عرفت الادوات وكل حاجه استخدامها ازاى واسمها التجارى ايه؟


 قررت أغير بقى واهتم بنفسى اكتر واشتريت المنظم ده (من سوق دوت كوم) 
الينك أهومنظم المكياج سعره 200 جنيه 
منظم تانى جبته برده  سعره 150 تقريبا





1/البلاشر الكريمى بحبه جداcreamy blasher
2/البلاشر البودر المعروف (الروزات بدرجاتها)powder blasher
3/البلاشر البودر(الالوان الترابية)powder blasher
4/البى بى كريم من غارنيه وايسينس essece
5/القطن المخصص لازالة المكياج cotton
6/prush 
7/highligter
8/lipstek_gloss
9/pencilstic
10/lip cream
11/كجل بكل الوانه(اسود_ازرق _اخضر)


1/ايلاينرeyeliner
2/ماسكراmasqara
3/ايشادوeyeshadow
4/كونسيلرconceler
5/مسرح الرموشcurler
6/الكحل
7/brush


فى الفترة دى كانت ظهرت منتجات NUXE وقررت اجيبها واستخمها وهعمل ريفيو عنها

https://www.instagram.com/radwaartest/

فى الفترة دى اهتميت بالبشرة جدا المهم نضارتها بعيد عن المكياج 
عشان لما احط مكياج تبقى اصلا البشرة حلوة وده يخليكى تبقى احلى مع الميكب

وبدأت بعدها اخصص مكان لنفسى ودى تبقى (تسريحتى)
واحط عليها كل مكياجى وتبقى شكلها حلو ,منظمة,سهولة فى الاستخدام
أن شاء الله اعمل ريبورتاج عن ازاى عملت ميك اوفر لتسريحتى








لو لاحظتم ان فى تطوير بيحصل كل مرحلة بتتعلمى اكتر من تجارب خاصة بيكى وباللى حواليكى
تطوير من حيث الادوات والخامات من حيث المكان والشكل العام وحتى فى تصويرى 
وهى دى الفكرة انك تفضلى كده على طوول تتعلمى وتطورى من نفسك وتتعلمى حاجات كتييروتفيدى نفسك وغيرك كمان
اهم حاجه ان يكون ده اسلوب حياة

الموضوع له تكمله ....
wait for continue
....
أستغفرالله العظيم
أستغفرالله العظيم
أستغفرالله العظيم

إرسال تعليق

0 تعليقات