الاماكن كتيرة اللى ممكن تخرج لها بس مش كل الاماكن بتحس انك حبيتها ونفسك تزورها مرة واتنين وتلاته وانا من الناس اللى بشوف ان المكان عامل اساسى لاحساسنا بالسعادة والبهجة .
مرة واحده زميلتى قالتلى انا ممكن انا والناس اللى بحبهم نقعد على رصيف فى الشارع بس نفضل طول الوقت مبسوطين ونضحك ومنحسش بالوقت..وفى ناس تانية كل يوم فى مكان شكل بس طول الوقت حاسه بالزهق وممكن تمل من الخروج لان كل يوم خروج غير لما كل فين وفين ونقعد نحضرللخروجة ونجهزلها ونحلم بيها ونشوف هنلبس ايه وناخد اكل ايه معانا ونتصور وطول ما احنا ماشيين نتريق ونضحك ونفتكر حاجات كانت خلاص قربت تبقى ذكرى وتفضل الخروجه جوانا وتدينا طاقة وحماس ملهاش حدود.
الفكرة مش فى كتر الخروج كل شئ لما يتعمل بتوازن بنحس براحة وان حياتنا منظمة المهم اننا نستمتع باللحظات الحلوة
من الاماكن اللى بحبها المناطق الاثرية اللى شايلة جواها حضارة وتاريخ
(القلعة وجامع محمدعلى)
اول ما بتدخل من البوابة بيكون فى امن على البوابة للتفتيش وبعدين بتعدى لحد ما توصل للمكان اللى بتقطع منه التذاكر
وبعدها تعدى وتدخل خلاص المكان
الرسومات اللى على الحيطان والزخارف والنحت بيحسسنى بفخر واعتزاز بحضارتنا المصرية
من فوق بتشوف كل البيوت والمساجد اللى حوالين القلعة
لما نوصل للجامع نلاقى حاجه فخمة جدا من جوه وبره والناس بتيجى تزوره من جميع البلاد
النجفة الكبيرة دى اد ايه شكلها حلو اوى وشكلها فى الحقيقة احلى بكتيير من الصور
كنا زمان بنعمل كل حاجه باتقان كل حته فى المسجد فعلا لوحة فنية
المنبر الخاص بالامام
المهم انكم تعملوا الجولة دى بدرى علشان تلحقوا تتفرجوا وتلفوا براحتكم لان المكان بيقفل بدرى
حاولوا تنبسطوا ومتنسوش تتصوروا وتحتفظوابالصور دى
.
.
.
أشوفكم قريب
سبحانك اللهم وبحمدك أستغفرك وأتوب إليك
0 تعليقات