من اجمل الاماكن اللى ممكن تغيرى جو فيها وتنبسطى الناس كلها بتروح عشان النافورة الراقصة
هيه فعلا جميله وبترقص على الاغانى وبتعمل جو مدهش
المحلات اغلبها ملابس للسيدات ومناسبة لكل الاعمار
وفى المكان ده الواى فاى مجانا طول مانتى جوه المنطقة دى
لو بصيتى حواليكى هتلاقى مطاعم محوطاكى من كل ناحية
انتى بتطلبى الاكل اللى بتحبيه وترجعى تقعدى على التربيزات فى المكان الواسع ده
احنا طلبنا اكل ايطالى وكان فى منتهى الروعة
أغلب المحلات محلات ملابس للبنات يعنى هتنبسطوا على الاخر
وفى محلات بتنزل خصومات والاسعار متفاوتة
الناس بتكون فاكرة ان الاسعار هناك كلها غالية جدا
لا طبعا فى اسعار متفاوتة وعلى حسب ذوقك
وبعد اللف على المحلات لازم طبعا ندخل فى كولد ستون cold stone
أحلى ايس كريم ممكن تاكليه( طعمه حكايه)
وطبعا ماينفعش تروحى هناك من غير ما تعدى على Bath&body works
كل ما يخص الجسم والشاور والشموع اللى روايحهم تجنن
ومحل pink
ده مكانى المفضل
ناس كتيير كانت بتسال على فيكتوريا سيكريت
مكان خاص للسيدات وبس واكيد مش هتطلعى الا لما تشترى حاجه
وبكده تكون خلصت جولتى يارب تكون عجبتكم وبجد لازم تروحوا وتزورا المكان
بنفسكم ..انتى وصحباتك او اهلك ومتنسوش تتصوروا فى كل حته ومع النافورة الراقصة
المكان تحفة اصلاا
شكرا للمتابعة
){kind=link}
0 تعليقات