المطعم تحفة بجد من كل حاجة
الديكور : اول مل تدخلى المكان تلاقى استقبال بالتحية والابتسامة وبعد حد تانى يوصلك لحد الترابيزة اللى تحبيها
بالنسبة للترابيزات عبارة عن الخشب العتيق المغطى بالزجاج ,والديكور بيميل للتراث الاجنبى والمقتنيات الموجودة كمان اجنبية
بس بيقال ان مالك المطعم اصلا مصرى ولكنه يميل للطابع الامريكى
المكان فيه مقتنيات مالك المطعم من الة كاتبة ,كتب قديمة,وتحف وانتيكا تتناسب مع الديكور
اخترت الطرابيزة دى فى الركن البعيد الهادى ونسيت اقول كمان انك طول مانتى قاعده هتسمعى اغانى اجنبية هادئة , للناس محبى الاغانى الاجنبى هينبسطوا جدا
الترابيزة اللى اخترت اقعد عليها قدامها شباك طويل من الزجاج بيخليكى تشوفى المنظر التحفة ده والجو العام يخليكى ريلاكس
مجرد ما تقعدوا وتستريحوا على طول بيجى شخص لابس فورمال ويقدم نفسه انه مساعد مدير وبيرحب بيكم
المنيو عباره عن صفحة فيها الاكلات والصفحة التانية فيها صور الاكل بس مطبوعة وملزوقة فى المنيو ,هيه لفتت انتباهى لانى بميل للتصميمات والشكل المختلف
الاكلات :سمك ,فراخ فاهيتا ,فراخ جريل,بطاطس,خضروات ,شوربات كتيير
والاسعار متوسطة مش غالية اوى
اول ما اخترنا الاكل اللى هناكله بدؤا يفرشوا زى ورق عليه شكل طابع البريد وكلمات بالخط الرقعة الاجنبى وده بيتحط عليه الاطباق والشوك والسكاكين برصه مختلفة بس جميلة
بعدها قدموا عيش مخبوز بالسماق والجبنة لحد ما الطبق الرئيسى يتقدم وكان طعمه خفيف وناعم
بعدين نزلوا فراخ متبلة ومطبوخة وكانت ملفوفة بورق الجلاش واتقدمت مع التومية _بس التومية كانت حاده شوية من الخل تقريبا_
طبعا المناديل كلها مطبوع عليها اسم المحل والوايبس وخلة الاسنان كمان تكملة للشكل كله
بعد كده لموا الاطباق وبدؤا فى تنزيل اطباق جديدة عشان الاكل الرئيسى ومتاخروش خالص علينا والاكل كان chicken mix grill with white souse+farm frights
طلبنا فاهيتا فراخ وكانت متقدمة مع الفلفل الالوان والتوابل الحارة بس كانت فى منتهى الجمال والبطاطس اللى عجبتنى اوى كانت بالكارى
كان يوم جميل ومختلف اتمنى تروحوا وتجربوا بنفسكم
0 تعليقات