How to organizeأزاى تنظمى تسريحتك بسهولة

زمان كانوا بيقولولنا وأحنا صغيرين (غرفتك عنوانك)وفعلا عندهم حق 
كل واحد متعود على اوضته بشكل معين اما مترتبة ومتنظمه وريحتها حلوة ودى بتدل على شخصية منظمة ومرتبة وناجحة فى نفس الوقت 
أو أوضه مش مرتبة والدنيا متلخبطة على الاخر وريحة الاوضة صعبة الصراحة ودى بتدل على شخصية صاحبها أنه عشوائى وأفكاره كمان متلخبطة ومشتتة...

الأسلام دين جميل بيدعونا للنظافة والنظام فى كل حاجة فى صلاتنا وأكلنا وحياتنا بشكل عام وأنطلاقنا من هنا لازم نبدأ بترتيب حياتنا وهنبدأ من مساحتنا الصغيرة الخاصة بينا (الغرفة)وعلى فكرة مش شرط أوضة يعنى مساحة كبيرة وباب مقفول عليا لأ الفكرة مش كده 
مش مهم المساحة المهم الحاجة الخاصة بينا يعنى ممكن أكون بنام فى مكان وبذاكر فى مكان تانى ودولابى فى حتة تانية بس كل حاجة من دول فى مكانها ومنظمة ومترتبة وممكن يكون عندى المساحة الكبيرة أوى بس مفيش نظام خااالص...

هبدأ من تسريحتى: المكان اللى بيعكس مدى اهتمامك بنفسك وجمالك مفيش بنت مبتحبش تقف قدام المراية وتهتم بنفسها وأنا بحب المكان ده جدا وبحب أجرب وأتعلم فتلاقينى على طول بطلع كل حاجة واجرب وطبعا الدنيا بتبقى فوضى بس برتاح أوى لما ألاقيها نضيفة ومرتبة وكل حاجة مكانها وعمر الفوضى مكان شكلها حلو فى عينى

أدواتى ومكياجى كل مرة بحاول أستخدم فيها حاجة أو أحط مكياج ألاقى الدنيا فوضى وساعات مبيكنش فى وقت ارجع كل حاجة مكانها وساعات بكسل بس الحقيقة أن ده مش السبب الأساسى الفكرة كلها فى عملية التنظيم نفسها لو مملة أو متعبة هيه اللى هتخلينا نكسل ونبطل نمشى على النظام أما بقى لو أطبق صح وبشكل كويس هحس بالنتيجة اللى عايزاها من غير مجهود وفى الحالة دى هنحب الموضوع جدا ومع الوقت عنينا هتاخد على الشكل المنظم وأعتقد أننا فى الحالة دى هنحتاج لمنظمات أو وسائل مساعدة زى 

بيتكون من قطعتين اللى فوق فى فتحات كتيرة ممكن توقفى فيه الفرش او الاقلام بيوفر مساحة

الجزء اللى تحت عبارة عن أدراج 2درج صغير و2 درج كبير

المنظمات دى بالنسبالى زى العصاية السحرية بجد بتفرق فى الشكل العام أناهدفى من الترتيب والتنظيم 

 الشكل الجمالى ,التنظيم  وسهولة فى الأستخدام 

المنظم ده لم حاجات كتيرة الفاونديشن والبودر والكونسيلر وكمان الروج ده الجزء اللى فوق 

الموضوع أختلف فعلا أى حد يدخل الأوضة لازم يلفت أنتباهه شكل التسريحة وأد أيه منظمة وكل حاجة فى مكانها ,طول الوقت بكون حريصة أنى أسهل الموضوع على نفسى بعنى بستخدم كل حاجة بسهولة وأرجعها تانى مكانها بمنتهى السهولة وبكده بحافظ على النظام طول الوقت..

مش شرط انك تستخدميه فى ترتيب الميك اب المهم انك تستخدميه فى اى حاجه عايزه تنظميها يعنى ممكن فى تنظيم الاكسسوارات

لينك الشراء للمنظم

من سوق دوت كوم

سعره 180 جنيه 

أنا طبعا حاجتى كتيير فمنظم واحد لا يكفى فقررت أشترى واحد تانى بشكل مختلف

ده شكل العلبة 

وفى منه لونين الابيض والبمبى

طريقة تركيبه على العلبة بالخطوات
 هوه هيغلبك فى تركيبه بس بعد كده خلاص بيثبت
ومش هتحتاجى تفكيه تانى

 بعد ماركبتها وركبت الأرفف

بحب أحط الفرش واقلام الكحل وأقلام التحديد فوق 

المنظم ده حجمه أكبر وبيشيل حاجات أكبر طبعا 
ممكن المانييكير والكريمات والغسول كمان 

لينك الشراء من سوق دوت كوم
اللون البمبى

اللون الأبيض

السعر فى منه 290 وفى 219
يفضل تشتريه وقت SALE

وبكده تقدرى تنظمى تسريحتك بسهوله وكمان شكلها حلو والمنظر العام منظم
يارب أكون أفدتكم وأتمنى تجربوا تبدؤا تنظموا أوضتكم وبعد ما تخلصى متنسيش تعمليلك حاجه دافيه وتقرأى كتاب أو تاخدى شور وتحطى ميك أب
ومتنسيش غرفتك عنوانك

جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 



 يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair
تريسمى 7 دايز بالكراتين لفرد الشعر..أزاى تستخدميه
تجربتى مع نوكس 


لمتابعة قناتى على اليوتيوب : 
https://www.youtube.com/watch?v=HZfLoHGpqo8&t=364s

سبحان الله وبحمده
سبحان الله العظيم
.....
سبحان الله وبحمده
سبحان الله العظيم