ظهرت منتجات نوكس الفترة الاخيرة وكانت ملاحظتى ليها من خلال برنامج شريف مدكور
شركة نوكس شاطرة اوى من الناحية التسويقية يعنى جابت منى اليمانى عشان تتكلم عن منتجاتها
وهيه بصراحة شاطرة ومذاكرة اوى كل المنتجات
وطول البرنامج بتشرح نظرى وعملى عشان اللى ميقتنعش يقتنع
طيب ممكن الشركة تعمل دعاية كتيير واعلانات وفى الاخر المنتج ميكنش قد المنافسة
جودة المنتج هيه الاساس وفى منتجات اصلا مبتعملش دعاية وتلاقى المنتج انتشر من كلام الناس عليه
وأنه فعلا ممتاز وبيديكى النتيجة اللى أنتى عايزاها
أول منتج جبته وعجبنى وحسيت بنتيجة كويسة : نوكس لمنظقة تحت العين _طبعا اسماء المنتجات بالفرنساوى_للناس اللى عندهم هالات خفيفة تحت العين من الارهاق والاجهاد او السهر لكن اللى عنده مشكلة السواد تحت العين وراثة ده مش هيفيد
المنتج كريمى وناعم وله ريحه مميزة
بنستخدمة قبل النوم
مشكلة الشعر الجاف حلها بالفيديو
المنتج التانى :نوكس للأظافر واليدين وده على طول فى شنطتى وبحب احط منه قبل النوم كمان
ريحته ناعمة وجميلة
ملمس ناعم
سعره 250
تقييمى له جيد جدا
مكان الشراء صيدلية دلماروعطا الله فى وسط البلد
فلوج لأستاند ايسنس رأى فى منتجات ايسنس essence review
المنتج التالت :كريم النهار بالنسبالى مهم جدا باستغنى بيه عن الصن بلوك (واقى الشمس)
ريحته :ريحته هاديه نفس ريحة كريم العين
ملمس ناعم وخفيف وبيتفرد على الوش بسهولة
سعره: 299
تقييمى : جيد جدا
مكان الشراء :صيدلية دلمار فى وسط البلد
المنتج الرابع : منتج لكل حاجه للشعر والبشرة واليدين يعنى بيرطب كله
المنتج ده عبارة عن زيت خفيف وسائل شويه مش لزج وريحته قوية شويه بس بتخف بعد ما بتحطيه
استخدامى ليه :
بحب استخدمه بعد الشاور
بعد السشواروالمكواة بيدى لمعة حلوة للشعر
وعلى خدودى بيدى لمعه حلوة كمان
الزيت ده فى منه العادى وفى البرونزى وانا فضلت ده
سعره 300
تقييمى : جيد جدا
مكان الشراء :سيتى ستارز
---------------------------------------------
يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair
مشترياتى من ميكب من
محلات ست الحسن وماركة كيريولان
----------------------------------------------
كمان اخدت منهم اكياس للتجربة _عينة مجانية_
ماسك التفتيح :عجبنى جدا ولما سالت عنه بعد كده لقيته 95 جنيه
هيه أسعارهم عالية اوى الصراحة
صنفرة للبشرة حسيتها عادية ممكن أستبدالها بأى سكرب
كريم التفتيح عجبنى برده ولما سألت عليه قالى انه فى منه أكياس والعلبة منه ب 500 جنيه
طبعا فى منتجات تانية ليهم بس دول اللى جربتهم بشكل شخصى
وده كان رأيى فيهم
بالرغم أن أسعارهم عالية بس المنتج نضيف مستخلص من نباتات طبيعية وله تاريخ صلاحية
سنتين من فتحك للعلبه او المنتج بشكل عام
وهما بيحاولوا يعالجو غلاء اسعار منتجاتهم
بالبيوتى داى والعروض والهدايا وجلسة تفتيح البشرة مجانا
اللى بتتعمل فى سيتى ستارز والصيدليات وكايرو فيستيفال
جوجل بلس : من هنا
الانستجرام : من هنا
وقناتى على اليوتيوب : من هنا
أتمنى أكون أفدتكم
سبحانك اللهم وبحمدك أشهد أن لا أله الا أنت أستغفرك وأتوب إليك
.
.
.
0 تعليقات