افضل عشر شواطئ فى مرسى مطروح واماكن الخروج بالتفصيل والصور



كل ماتريد معرفته عن مرسى مطروح وافضل الاماكن اللى ممكن نزورها هناك لما نسافر ونصيف الاول اجازة صيفية سعيدة 

من وجهة نطرى مرسى مطروح مينفعش تروحها  و ترجع في نفس اليوم لان اسبوع المصيف بيعدى هوا مش هتحسوا بيه , مطروح لازم  7 ايام علي الاقل علشان نستمتع بيها وبالاماكن هناك على الرغم ان مطروح مكان صغير مش بلد كبيرة يعنى واهلها ناس كرم وطيبين  .
لان اسبوع المصيف بيعدى هوا مش هتحسوا بيه 








اول حاجه هنفكر فيها اول ما نوصل اننا نختار مكان قريب من البحر 
افضل شواطئ سكنية للمصيفين هيه شاطئ العوام وشاطئ القصر بمرسى مطروح 
فنادق مرسى مطروح

- الشقق في مطروح اسعارها عادية بالنسبة لاسعار الشقق فى باقى المصايف 
و خاصه في فصل 7 و 8 




ماهى الشواطئ اللى لازم نزورها لما نروح مرسى مطروح ؟ 

 شواطئ مطروح  ليها سحرها الخاص الذي يميزها عن غيرها من شواطئ مصر ب فكل شاطئ له قصة وجاذبية ( كليوباترا، الغرام، الأبيض، بلو بيتش، عجيبة، الجونة، العوام ،  كلها شواطئ ساحرة والميه هناك تحفة والرمله بيضه والمكان مريح بدرجة كبيرة ، يستحقون الزيارة بالفعل.

يومى الاول كان زيارة شاطئ عجيبة الشاطئ العجيب شكلا وجمالا سبحان الخالق 
المكان مميز جدا ومعروف بمرسى مطروح 


المكان اكثر من رائع مناسب جدا للمزارات السياحية والتقاط اجمل الصور من هناك عشان كده منستغربش من كثرة الفوتوجرافر 
اللى بيصوروا وبيتصوروا كمان هناك 
مكان مميز للعائلة ممكن ناخد صورة للذكرى هناك مع المية والمنظر الطبيعى الخلاب 






لكن المكان غير مناسب للعوم لانه ببساطة ملئ بالصخور الحادة والشعب المرجانية والقواقع وكائنات بحرية كثيرة فى اعتقادى المكان لايحتاج لنزول الميه يكفى رؤية المنظر والاستمتاع بالتقاط اجمل الصور 



المكان من اعلى احلى بكثييير , فى سلالم طويلة الى الاسفل وخلال النزول بتستمتع اكتر من خلال جمال المنظر والبائعييين على طول السلم لشراء بعض الاشياء الجميلة من هناك كاالقواقع وغيرها 


لايفضل لكبار السن الذهاب هناك لان الامر متعب وهناك صعوبة فالنزول والصعود نظرا لان المكان جبلى اكتر 





هناك الميه صافية جدا وشاطئ عجيبة يبعد عن شاطئ العوام بساعة تقريبا وطبعا لازم نركب عشان نوصل المكان هناك 
وبيكون مكان عالى نهايته السلالم التى تصلنا الى الشاطئ نفسه 







اليوم التانى مع شاطئ الاوبيض او شاطئ الابيض (بلو بيتش )

فى راى افضل شاطئ بعد عجيبة ممتاز والمية نقية جدا وممكن نعوم فيه كمان 
لكنه بعييد جدا عن البلد وهنحتاج نركن العربية بره ونمشى كتيير حتى نصل لمكان الشاطئ 
بلو بيتش رماله بيضاء ناصعة البياض كمان  , ومتزهقش منه خالص لانه مكان هادئ ومن اكتر الشواطئ الهادية ومش زحمة خالص 




 طبعا هناك مننساش نطلع الجبل الرملى الابيض ونلتقط اجمل الصور من هنا ك
ونستمتع بالمنظر من اعلى 



المية هناك صافية ورايقة بس لحد مستوى معين ممكن نعوم بعد كده بيكون غويط مش لكل الناس هتعرف تعوم 






اليوم التالت سينمات مرسى مطروح والاماكن الترفيهية 
ممكن نحجز بليل تذكرة سينما ونتفرج على الافلام اللى بنحبها هناك 
مع الاهل والاصحاب ولمة العيلة 



فى اكتر من سينما بس دى افضلهم من حيث كل حاجه 
( سينما السلام الصيفى ) السينما مفتوحة والشاشة العرض كبيرة اوى والمكان جوه كبير كمان وبيكون عليها زحمة كتيير 

انا اتفرجت على حرب كرموز من افضل الافلام اللى عجبتنى وشدتنى قصة الفيلم وطريقة اخراجه كمان 
بيشارك فيه مجموعة متميزة من الفنانين بطولة امير كرارة


وطبعا مينفعش نروح مرسى مطروح وما ناكلش جيلاتى عزة 

مكان من اشهر المحلات وبيكون زحمة جدا بيقدموا ايس كريم كل الاشكال والانواع وكمان رز بلبن بالايس كريم وام على وحاجات حلوة من عندهم 
والصراحة ان الايس كريم بتاعهم عادى بس شهرة المكان هيه اللى مش عادية 







- جيلاتي عزه الي عند الكورنيش حلو في واحد تاني عند شارع الاسكندريه مش حلو , جرب المانجو حلو و بلاش الشوكولاته طعمه مدي علي كاكاو و هتلاقي عندهم فانيليا و ليمون و شوكولاته و مانجو و فراوله , في عندهم رز باللبن و ام علي 


مطروح هتبقي حلوه اوي للاطفال  علي الكورنيش هتلاقي ملاهي ,للاطفال وللكبار كمان 


لو الاكل خلص وحابب تشترى اكل من هناك على سوق ليبيا مكان مميز جدا والسوق المعروف ف مرسى مطروح 

تقدر تشترى من هناك زيتون بكل انواعه والجبن هناك ممتازة 
السوق كبير ومليان ممرات بس ضيق وطبعا زحمة 
سوق ليبيا فى كل حاجه ( ملابس , اكل , فواكه , ميكب , برفانات وعطور , والاعشاب والعطارة والتوابل والبهارات , ادوات المطبخ , ادوات مدرسية وشنط واحذية ....)


ده غير سوق الخضار او السوق الكبير اللى اكتشفناه صدفة لما دخلنا واتمشينا فالبلد من جوه 


المانجه هناك حلوه اوى والعنب كمان والزيتون طبعا 





- مينفعش تبقي في مطروح بلد اللب و متجبش لب ابيض وسوبر كمان بس مش كل اللى هناك بيبعوا لب حلو انت وحظك بقى 

مينفعش تنزل مطروح ومتروحش تاكل سمك مشوى بصراحة السمك سنجارى البلطى حلو جدا وهيعجبكم 
 هتأكل سمك تحلف بيه طول حياتك 


بليل بقى ليه طقوس خاصة 
المكان رائع للتمشية بليل وناكل درة او ترمس وفرسكا كمان وفشار طازة 
الجو جميل بليل وقعدة حلوه على البحر ونشم هوا جميل ونقى 


من الشواطئ الجميلة هناك شاطئ الغرام 

شاطئ جميل والميه هناك حلوة للاطفال وللكبار كمان 







اركب بيتش باجي تجربة حلوة و ممتعه , ده غير البنانا بول اللى هتركبها فالبحر 

بتكون حلوه وتجربة مختلفة وزجليقة البحر بتكون جوه مركب يتكون حلوه لما نركبها مع اصحابنا او العائلة وتفدر تدخل بيها جوه فالبحر 




اتمنى تكون رحلة سعيدة ونغير جو ونشوف اماكن مختلفة لو عجبكم الريفيو ممكن تتابعونى بنزل ريفيوهات على مدونتى 

جوجل بلس : من هنا 
الانستجرام : من هنا 
وقناتى على اليوتيوب : من هنا 

بنترست : من هنا 

موضوعات قد تهمك : 

تريسمى 7 دايز بالكراتين لفرد الشعر..أزاى تستخدميه

 
يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair



                          أتمنى  الريفيو يكون عجبكم 

                            و أشوفكم في ريفيوهات تانيه قريب إن شاء الله 






إرسال تعليق

0 تعليقات