My morning routine ..روتينى الصباحى

صباح الخيرات ,,
بكلمكم اليوم عن روتينى الصباحى خاصة بيوم العطلة ...
بيختلف روتينى كل يوم عن اليوم اللى قبله يعنى مافى روتين ثابت تقريبا ..حسب المود

وبما أن اليوم هو يوم عطلتى من العمل وبعد أسبوع شاق من المهام والضغوط والإجهاد النفسى والفكرى والبدنى كمان ,وخاصة أنا كديزاينر بيتطلب منى صفاء الذهن والخروج بفكرة جديدة كل يوم
وتكون مختلفة عشان ترضى أذواق العملاء ,,
غير متابعة كل ماهو جديد بعالم الديزاين ...
بيوم العطلة بيكون عندى حاجات كتيير اعملها فى اليوم منهم ترتيب الغرفة,تحضير الطعام مع أمى (الله يخليهالى يارب),متابعة السوشيال ميديا الخاصة بى ,,

حسابى على تويتر (قديم)

مدونتى http://radwabkhit.blogspot.com.eg/2017/04/about-me.html

حسابى على الانستجرام خاص بالتصميمات والدمج
https://www.instagram.com/radwabkhit/

حسابى التانى على الانستجرام وده لمشاركة يومياتى
وتصويرى
https://www.instagram.com/radwaartest/

حسابى على بينتريست

حسابى على الفيس بوك

أوقات بحس أن جسمى بيميل للراحة وبفقد رغبتى فى عمل أى شئ..ولكنى أقاوم هذا الشعور بالنهوض من سريرى والوضوء ثم ابدأ يومى بالصلاة والذكر والتسبيح..

كم يشعنرنى هذا الامر بالنشاط والحماس,,ثم ابدا فى تجهيز فطورى 

احب شرب شئ دافى فى الصباح حتى انشط المعدة 

وبعدها ابدا فى فطورى,,

بعض الجبن والزيتون  مع الخضراوات الطتزجة والقرص الساخنة من الفرن واقراص البيض المقلية بالفلفل الرومى والجبن المبشور واختمها بتحلية بعسل اسود مع الطحينة ..

بعدها أجلس على مكتبى لكتابة أهدافى فى أجندتى الخاصة ,,حتى لا يضيع اليوم وأنا لم أنجز شئ ,بكتب أفكارى وموضوعات المدونة اللى بحب أجهزها ,تقييم لنفسى خلال شهر أو أسبوع ,مراجعة مشترياتى وترتيب الأولويات..

ثم أذهب لتحضير ملابس جديدة ذات ألوان مبهجة للأستحمام 
مستخدمة الشاور الخاص بى من ذا بودى شوب كلمتكم عنه قبل كده فى المدونة وأفردت له موضوع خاص

بعدها أقوم بتسريح شعرى ووضع توك شكلها جميل ومناسب  ..فى الغالب أحب أفرد شعرى لأنه بيكون مكتوم طووال الاسبوع 
فحررام يعنى بيتلف  منى لهذا السبب 

ده روتينى للعناية بالشعر وهتلاقو ا ريفيوا عنه بالمدونة 

بعدها برطب بشرتى بكريم النهار من نوكس 
وتحت عينى لانه بيكون مجهد من الجلوس فترة طويلة أمام اللاب توب حق الشغل وكده
وكمان بحب ارطب ايدى بمرطب نوكس فعلا بينعم وبيخلى البشرة ريحتها حلوة 

ولأنى مهووسة بالميكب وتجربة المنتجات الجديدة 
بحب احط يوم العطلة ميكب كامل وأنا ف البيت 
بركب رموش واللانسيس وبستخدم البرايمر كمان والماسكار والأيلاينر والكونتور والهايلايت
وأهذب حواجبى ببودر الحواجب وبخلص اللوك وأتصور سيلفى هههههه وأظبط مودى...

بحب دايما طوول ما أنا قاعدة أشم ريحة حلوة فى هدومى وغرفتى والمكان اللى أقعد فييه قد ايه بيريحنى هذا الشئ,,فطبعا بحب أضئ الشموع العطرية اللى بريحة اللافندر والفانيليا والورد من باث أند بادى وورك بتملى المكان كله بريحة هادئة ومريحة فى نفس الوقت...

أعتقد أنى جاهزة للأستمتاع بالأجازة الأن ..
بتجهيزى للمقرمشات والحلويات اللذيذة والدوريتوس والجيلى ,,

لى مكانى الخاص للرسم والأستمتاع بوقتى مع لوحاتى التى أغلبها بالرصاص على ورق الفرخ المعد للرسم
أنها موهبتى من الصغر وأستمرت معى حتى كبرت وأصبحت ارسم لوحات وأشارك بمعارض طووال فترة الجامعة ,,كم كان الأمر رائعا بالنسبة لى وأعطانى ثقة بنفسى كبييرة فى ذلك الوقت...
ومازال لدى الشغف بكل مايتعلق بالرسم والالوان والمعارض وأتابع الكثير منها على الأنستجرام رغم توقفى عن الرسم الأن 
إلا أننى أحبه كثيرا إلى درجة العشق ,,

أما عن القراءة فالأمر شئ أخر ..
الكتاب رفيق دربى من الصغر,,ليس لدى مانع أن أنفق مالى كله على الكتب ,,الامر حقا يستحق 
قرأت كتبا عديدة وأضفت للمدونة قسم (رشحلى كتاب) لنقد الكتب التى أقرأها والكتاب الجدد ,,من أقسامى المفضلة ,,

بعدها برجع تانى للاب توب ممكن أشغل حاجة لفيروز 
صوتها جميييل ونقى وأغانيها بتأثرنى وتدخلنى فى عالم تانى 

أختتم يومى بتناول الطعام الذى أصنعه أوربما أطلبه دليفيرى كنوع من التغيير 
أحببت العيش السورى بشاورما الفراخ  المتبلة بالخلطة السحرية على ما أظن ,,وأحيانا بطلب بيتزا مارجريتا مع البيبسى كانز 

روتينى بيتغيير حسب مودى المهم أنى أستمتع بالويك أند علشان أنزل الشغل بروح جديدة وبنشاط وحيوية 

خلصت مشاركتى أتمنى تعجبكم 

لاتنسونى من صالح دعائكم 

أستنونى المشاركة القادمة