فى الفترة الاخيرة انتشرت فكرة المحلات الصغيرة اللى بتشمل كل احتياجاتك من المنزل وامورك اليومية واعتقد ان مينى سو miniso من المحلات اللى ذاع صيتها فى البلاد العربية المحل من الاساس يابانى وله محلات فى الصين
وبدا مينى سو miniso فى التوسع والانتشار
انا بتكلم على فرع مينى سو miniso فى مصر مكانه فى سيتى ستارز فى مدينة نصر والمحل مقسم من الداخل
الى اقسام
( العطور والبرفانات , المواد العطرية الفواحة , الشنط والحقائب , ومنظمات الشنطة , ركن التجميل وتنظيف البشرة ,
الالكترونيات , السماعات والباور بانك وكفر الموبايل , مستلزمات المطبخ , الفوط والمفارش ومنظمات الادراج ..)
السماعات تغليفها ممتاز والوانها تحفة بتعجبنى , انا حتى الان مجربتش جودة السماعة عشان احكم عليها
الحقائب من القماش وبمختلف الالوان والاشكال , للاستخدام اليومى والحلو فى الموضوع ان عليها تخفيضات واسعار مناسبة
ركن خاص ملئ بالشنط والحقائب الكاجوال للاستعمال اليومى
الخامات المستخدمة من القماش الثقيل , بالوان مختلفة
فى اعتقادى ان الشنطة لايمكنها تحمل اشياء كثيره بداخلها نظرا لصغر حجمها
مناسبة للجامعة والمدارس وعملية للأطفال
هناك انواع من الشنط من الجلد الخفيف , النوعية دى من الجلد بتتقشر بسرعة وممكن تهلك من كثرة الاستخدام
متوفر جميع الالوان من الغامق الى الفاتح
وفى النهاية minisou بيوفر كل الالوان والاشكال العملية
سهلة الفتح والاستخدام , واشكالها كاجوال مناسبة للجامعة والخروجات السريعة
...........................................................................................................................................................
المحفظة :
متوفر منها اشكال حلوة جدا والوان جذابة
بيعتمدوا الالوان السادة , والاشكال " الباترن " المكررة
اللى بيميز المحظة انها سادة ورقيقة جدا , انا بفضل الشكل البسيط
ومقسمة من الداخل لحمل النقود والكروت والبطاقة ومكان للعملات النقدية المعدنية
لما بتنهى جولتك بتوصلى للكاشير بعرفك لو فى عرض ( لو اشتريتى اكتر من 300 جنيه حاجات بتاخدى هدية مع المشتريات وانتى بتحاسبى )
تعالوا اوريكم اشتريت ايه من هناك :
العلبة الاكريليك دى كنت بدور عليها حسيتها مناسبة لحفظ الاكسسوارات على تسريحتى او كمان ممكن استخدمها لحفظ قطن المكياج
شفافة وسهلة القفل والفتح وحجمها صغير مش بتاخد مكان على التسريحة
ممكن تستخدميها لحفظ القطن , او الاكسسوارات اليومية الصغيرة
المفاتيح , ممكن تستخدميها لحفظ اعواد القطن حسب احتياجاتك واستخدامك
والجميل انها من البلاستيك القوى
سعرها منا سب
كمان من الحاجات اللى كنت بدور عليها ولقتها هناك :
الجراب السيليكون عشان احط فيه السماعات والفلاشات بدل ما تضيع فى الشنطة ومش هعرف اطلعها
فى اشكال تانية كتيير بس ده اكتر شكل عجبنى
واشتريت فى النهاية الباور بانك وله جراب سيليكون لبنى بقوة 7400 وات بيستحمل حتى شحنتين وانا شايفة ان ده مناسب ليا فى الاستخدام اليومى
واخدت هدية 2 براكيت للموبايل والوانه حلوة اوى وكانت مناسبة للموبايل عندى
لوعجبكم الريفيو متنسوش تتابعونى على :
جوجل بلس : من هنا
الانستجرام : من هنا
وقناتى على اليوتيوب : من هنا
بنترست : من هنا
يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair
و أشوفكم في ريفيوهات تانيه قريب إن شاء الله
0 تعليقات