ريفيو كامل عن مكواة الشعر الكيرلى راش براش rush brush 5 in 1.. رأيى وعيوب ومميزات المنتج

أغسطس 24, 2019

وبنرجع تانى للمدونة بعد انقطاع , الوقت الان اصبح اسرع مما نتوقع اعتقد اننا نعانى من نفس الشئ احيانا بيخلص يومنا وما بنعرف خلص على ايه , مع ضغط الشغل والحياة لازم يكون ليكى وقتك الخاص تستمتعى فيه وتحسى بالراحة والاسترخاء وخاصة لما يكون الوقت ده فى العناية بنفسك Self Care  شعرك وبشرتك وماسكات وسكرابات وخاصة العناية بالشعر من الافضل ليكى انك تقومى بهذا الامر بنفسك دون اللجوء الى مصففين شعر فأنتى لاتثقى بالنتائج على كل حال




طول الوقت كنت بفكر ازاى نعمل اللى بيعملوه فى الكوافير وبنتائج مظبوطة وبتكلفة اقل من اسعار البيوتى سنتر والصالونات
الفكرة كلها فى الخامات المستخدمة والخبرة فى العمل نتيجة انهم بيعملوا لعدد كبيير من البنات
انتى ممكن يبقى عندك ماتيريال كويسة وتبدأى تجربى حتى تتحسن النتيجة مع الوقت

.

.

.


.



فى الوقت ده شوفت اعلان Rush Brush المكواة الكيرلى 
وانبهرت طبعا وفى الوقت ده كانوا جايبين ( عليا اوى ) عشان تعمل دعاية للمنتج واعلنوا انها هتكون موجودة فى سيتى ستارز الساعة 10 الصبح وهتسلم البنات جوايز 
كلمت خدمة العملاء فورا عشان افهم التفاصيل قالوا ان اول 5 هياخدوا هدايا مجانية بالاسبقية يعنى 
ولما وصلت فوجئت بعدد كبير من البنات كلهم جايين لنفس الهدف , بعدها الكلام اتغير وقالوا ان الموضوع هيبقى بالقرعة وان الللى بتعمل الدعاية ليهم هتيجى 9 بليل وكان فى رمضان وقتها 
الموقف نفسه قفلنى من الشركة والمنتج الحركة نفسها مش لطيفة من شركة كبيرة , لو مش قد الايفنت متعملوش 

ده غير ان البنات اللى واقفين فى البارتشن الخاص بيهم" اسلوبهم غير لائق او تحديدا عشان اكون دقيقة البنت اللى جربت المكواة ليا "
ولانى كنت جاية بنية الشراء اشتريت المكواة فعلا واخدتها 

.................................................................................................





نتكلم الاول على الباكدج packaging:
عجبنى الطريقة لحفظ المكواة بالقطع مع العلم ان فى منتجات افخم من كده بكتيير
 

................................................................


ثانيا الداخلية :




المكونات الداخلية عبارة عن 5 قطع كاملة لعمل الشعر الكيرلى 
2 مشبك بلاستيك بيسهل عليكى عمل الشعر
الفيشة الداخلية 
الجوانتى العازل للحرارة 
الكاتالوج لتوضيح طريقة التشغيل 
............................................................

طريقة تشغيلها بتوصلى القطعة بالجزء التانى اللى فيه السلك 
بحيث يكون السهمين قصاد بعض 
وتوصليها بالكهرباء 
وتضغطى على زر التشغيل لفترة من الزمن وحددى السرعة 
وبعدها البسى الجوانتى واستخدمى المكواة




اكتر القطع اللى عجبتنى المموجة جدا 
كل ما زاد التموج فى الماكينة كل ما اعطى نتيجة افضل 
 وبتدي نتيجة كويسة للشعر , فى كمان قطعتين قريبين من بعض اوى محستش بفرق فى استخدامهم 
وقطعة فيها ماسك دى عجبتنى 
اللون المميز الجولد وفى رأى من الالوان الدارجة ولافت للانتباه 







القطعة اللى بيتم توصلها بالكهرباء فيها 3 زارير 
1 للتشغيل 
1 لزيادة السرعة حتى 350
1 لتقليل السرعة 


..............................................
جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 



 يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair
تريسمى 7 دايز بالكراتين لفرد الشعر..أزاى تستخدميه
تجربتى مع نوكس 

لمتابعة قناتى على اليوتيوب : 
https://www.youtube.com/watch?v=HZfLoHGpqo8&t=364s






المميزات : 
تركيبها سهل 
واستخدامها كمان سهل 
السرعة معقولة بتدى نتيجة ملحوظة فى وقتها 
ضمان سنة ضد عيوب الصناعة 
......................................................................................................
العيوب :
السعر غالى 
قطعتين بس اللى كويسيسن والباقى عادى  
ثبات الكيرلى ضعيف الا لو حافظتى على الفورمة " ممكن يتعالج بالمثبتات "


نصيحتى ليكى بلاش تشتريها وفرى تمنها واشترى قطعة واحدة فقط بلاش خمس قطع 
ودور على السرعة الاعلى 

مكان الشراء : 




اشتريتها من virgin من سيتى ستارز




مشترياتى من ذا بودى شوب : 
https://radwabkhit.blogspot.com/2019/01/blog-post.html

مشترياتى من زارا هوم
https://radwabkhit.blogspot.com/2018/11/blog-post_30.html


لوعجبكم الريفيو متنسوش تتابعونى على :
جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 

 و أشوفكم في ريفيوهات تانيه قريب إن شاء الله 

You Might Also Like

0 التعليقات

من هى رضوى بخيت

Radwa Bkhit

l]مدونة اهوى الكتابة والتصميم والتصوير اعمل كجرافيك ديزاينر اعشق الديكور والتنسيقات اشاركم بتدويناتى عن الموضة والميكب والعناية بالبشرة والشعر والتنظيم والترتيب