منتجات العناية بالبشرة من ذابودى شوب , تعالوا شوفوا اشتريت ايه ورأى فى المنتج ؟!

يناير 25, 2019

ذا بودى شوب
سعيدة بعودتى مرة اخرى للتدوين معاكم واتمنى الريفيو يعجبكم

ذا بودى شوب من الماركات العالمية المعروفة بجودة التصنيع والتغليف والجودة العالية 

واكتر شئ مطمئن ان الماتريال من خامات طبيعية ولا يوجد كيماويات او مواد مضرة للبشرة 
الفترة الاخيرة كنت بستخدم غسول بايوديرما للبشرة ولم يعطنى النتيجة المتوقعة فقررت اغير الغسول واشترى غسول للبشرة بحيث استخدمه صباحا ومساء , اعتقد ان البشرة بتحتاج ترطيب وتغذية بشكل كبير فى فصل الشتاء فقررت اشترى الكوليكشن المميز بفيتامين e



للى متابعين مدونتى عارفين انى بحب كل فترة اجرب منتجات جديدة واوضح راى فيها بعد تجربتها بفترة كافية المرة دى المنتجات كلها للبشرة مش للجسم ,

مشترياتى من ذا بودى شوب 

غسول الوجه بفيتامين e 
 سيروم التغذية الاساسية بفيتامين e 
كريم مرطب للبشرة بفيتامين e 


قبل ما اتكلم عن كل منتج لوحده وراى فيه حبيت اتكلم معاكم عن فيتامين e واد ايه هوه مهم للبشرة وبيعطى ليها نضارة مع الوقت ويزيل الشحوب والاصفرار من البشرة 
بيحافظ على صحة الشعر والجلد

فيتامين e متوفر فى كتيير من الاكلات :

فول الصويا 
السبانخ والخس
البرتقال
الليمون 
الافوكادو 
الفول السودانى 
اللبن والجبن 

مهم اننا ندخل الفيتامين ده فى كل اكلنا عشان نحافظ على نضارة البشرة وجمالها 
تقدرى تراجعى تدوينتى الاخيرة بالنسبة للعناية الاسبوعية لبشرتى  من هنا 

اغلب صالونات التجميل بتستخدم منتجات البشرة غنية بفيتامينe لو حابة ممكن تشوفى موضوع عن التنظيف العميق للبشرة  من هنا 







يلا نبتدى بالجزء اللى بحبه جدا " الريفيووووو "

نبتدى بغسول البشرة بفيتامين e من ذا بودى شوب : الغسول بتستخدميه مرتين فاليوم صباحا ومساء 
عبارة عن كريم ثقيل على البشرة وطبعا بتفرديه على وجهك بالكامل وبعدها تغسلى وجهك , ما بيعطى رغوة كبيرة 
وبيرطب البشرة وبحس بعد استخامه ان بشرتى راقت وصفيت وناعمة كمان 


بعد استخدامك للغسول : استخدمى الكريم المرطب للبشرة صباحا ووزعيه على بشرتك على الجبهة والخدود بعكس اتجاه الجاذبية 
الكريم لانه غنى بفيتامين e  بيحفز البشرة على الترطيب والنضارة 




ونهاية بالسيروم من افضل انواع السيروم الخاص بالبشرة انا بفضل استخدمه ليلا قبل النوم , وبوزعه كويس على بشرتى بشكل كامل من تانى استخدام حسيت بالفرق والنضارة ببشرتى 






لا تنسوا تتابعونى على 
جوجل بلس : من هنا 
الانستجرام : من هنا 

وقناتى على اليوتيوب : من هنا 



You Might Also Like

0 التعليقات

من هى رضوى بخيت

Radwa Bkhit

l]مدونة اهوى الكتابة والتصميم والتصوير اعمل كجرافيك ديزاينر اعشق الديكور والتنسيقات اشاركم بتدويناتى عن الموضة والميكب والعناية بالبشرة والشعر والتنظيم والترتيب