منتج جديد من ذا بودى شوب بزهرة المورينج The body shop Mouringa flower


أزيكم يا بنات يا حلوين ..أنا من الناس اللى بتعشق الشاور ومجرد أحساسى بالأنتعاش بيخلى مودى حلو أوى ونفسيتى كمان بتبقى مظبوطة فكنت على طول بحب اشترى شاور جل وبودى لوشن كل فترة.. وأجرب حاجات جديدة لحد ما أرتحت لبودى شوب من ساعتها تقريبا,وأنا بشترى مستلزمات الشاور كلها منهم لان منتجاتهم بتكون بشكل كبير طبيعية ومستخلصة من زيوت ونباتات 


أنهاردة هكلمكم عن زهرة المورينج المستخدمة ف المنتج :

زهرة المورينج هى زهرة الحياة ,زهرة لتجديد الشباب كما يطلق عليها الأفارقة
  • * تعجبت كثيرا عندما علمت انها تحتوى على 7 أضعاف نسبة الكالسيوم الموجودة ف اللبن3 أضعاف فيتامينات الجزر

  • *و4 أضعاف بوتاسيوم الموز
  • *بتعالج نقص المناعة 
  • *تعتبر غذاء متكامل فى بعض مناطق أفريقيا
  • *تحمى من البكتيريا التى تسبب الأمراض الجلدية
  • *تستخدم فى مستحضرات العناية بالشعر والبشرة والجسم لما تعطيه من طراوة للجلد وتفتيح فى بعض الأحيان
  • *تستخدم فى المنتجات المضادة للتجاعيد وعلاج الرؤؤس السوداء والمستحضرات المضادة للشيخوخة




أستخدموا الزهرة دى فى المنتج وصورتها واضحة على العلب الخاصة بالمنتج


زهرة المورينج


أجمل مافى الأمر أنهم أحيانا بيجمعوا كل ما تحتاجيه من الشاور فى بوكس أنيق 
يغنيكى عن شراؤهم بشكل منفرد وأكيد السعر بيكون أفضل 


العلبة بتحتوى على :


بودى بوتر Body butter 
شاور جل   Shower gel
هاند كريم Hand cream
مقشر للبشرة Scrub skin
بودى برفيوم Body perfum


هبدأ بالبودى بتر:



ممكن تستخدميه لوحده بيرطب الجلد وينعمه ولو استخدمتيه بعد الشاور بيديكى ثبات اقوى لريحة المورينجا بالأضافة للترطيب




شاور جل   Shower gel

الشاور جل بتستخدميه مع الليفة علشان تعملى مساج وتدليك للجسم بيعمل رغوة بسيطة ..
يفضل أستخدامه بعد الأسكرب 




بودى برفيوم Body perfume


بعد الشاور بتحطى البرفيوم اللى ريحته  بزهرة المورينجا
بتحسسك بانتعاش بس عيبها مش بتدوم لفترة طويلة



مقشر للبشرة Scrub skin



ده أول حاجة بنستخدمها فى الشاور بتساعد على أزالة الجلد الميت وبتفتح المسام وبعدها بنستخدم الشاور جل وبعد الشاور بنستخدم الباتر وكمان البرفيوم




أخر حاجه من المجموعة دى :


هاند كريم Hand cream
بيرطب بشرة الايد وبيديها ريحة حلوة 



دى كانت مجموعة ذابودى شوب اللى بزهرة المورينجا 
أتمنى تجربوها وتقولولى رأيكم فيها



جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 



 يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair
تريسمى 7 دايز بالكراتين لفرد الشعر..أزاى تستخدميه
تجربتى مع نوكس 


لمتابعة قناتى على اليوتيوب : 
https://www.youtube.com/watch?v=HZfLoHGpqo8&t=364s

إرسال تعليق

0 تعليقات