المكرونة بالصوص الابيض وقطع السوسيس من مطبخى Pasta with white sauce and sausage


حبيت أشاركم انهارده بالاكلة دى ,,جربتها وعجبتنى 
المكونات هنقسمها :
المكرونة 
السجق 
الصوص
يلا نبتدى بالمكرونه الأول 
لازم تسلقى المكرونة حسب الكميه اللى تكفيكى أنا هنا أستخدمت نصف الكيس 
بتسلقيها فى ميه بتغلى وتحطى شوية ملح وزيت ولما تستوى المكرونة بتصفيها فى مصفاة 

الصوص الأبيض:
م ك زبدة 
2م ك دقيق أبيض
نصف كيلو لبن (ساخن)
ربع كريمة طهى 
ملح 
فلفل 
بهارات (حسب الرغبة)

طريقة العمل :
هنجيب طاسه غويطة شويه وتحط الزبدة 
اول ماتسيح انزلى بالدقيق ولو حبيتى تزودى الدقيق مفيش مشكلة بس مش اوى عشان ميبقاش تقيل 
وتقلبى كويس وبعدها تنزلى باللبن شوية بشوية وتقلبى كويس 
وبعدها بتنزلى بالمكرونة المسلوقة وقلبى براحة 
وصبى الكريمة عليها وقلبى تانى وبعدها ننزل بالبهارات والملح والفلفل 

بعد كده جهزى الطاجن اللى هتصبى فيه المكونات وترشى على الوش جبنة مبشورة ومواتزريلا وقطع السوسيس 
وتدخليها الفرن على درجة حرارة 180 اول ما الوش يتحمر تخرجيها وبألف هنا وشفا ممكن تقدميها مع صوابع البطاطس المحمرة 


إرسال تعليق

0 تعليقات