غرفة الضيوف
اليوم بشاركم بتغيرى ل غرفة الضيوف فى بيت امى 
التغيير قسمته على اكتر من شئ
1/ الحوائط : اللون القديم كان اللون الاحمر البطيخى وع البيج وكانت الالوان متماشية مع السجاد والاثاث
فكان لازم اغير اللون الى الشكل الجديد
وكان افضل لون بالنسبة لى كان الابيض والاسود




الادوات المستخدمة لتجهيز غرفة الضيوف :

الفرشاة 
الرول 
الشريط اللاصق




بندهن اللون الابيض الاول ثم نضع الشريط اللاصق على خطوات متساويه حتى يصبح الشكل منتظم ومثالى 

بعد ذلك ندهن اللون الاسود ونتركه حتى يجف 

ثم التاكيد بالفرشاة 
وازالة اللاصق 



الجزء التالت : 
الفرش الخاص بالاثاث اخترت اللون الاوف ويت لانه مناسب لكل الالوان 
وكمان اقدر اغير لون الخداديات فيتغير الشكل كله وانا كمان بحب التغيير جدا وبحب اجدد كل شويه فحسيت ده هيكون مناسب 
معايا فالبيت 

بقالى كتيير مكتبتش موضوع جديد بحة انه لايوجد وقت كالعادة لكنى الحقيقة احب الكتابة عندما اريد ذلك , ولا يصبح الامر الزامى لانه يقتل الابداع لدى من زمان وانا اتابع زارا هوم واحب كل الاشياء التى يقدموها بالمناسبة مكانهم بسيتى ستارز ومول مصر احلى
حتى روحت بنفسى واشتريت بض الاشياء التى غيرت من شكل الغرفة واضافة لمسة جمالية مختلفة 

زارا هوم من احد اكبر الاماكن المتخصصة ف الهوم ديكوريشن وبكل ما يخص ديكور البيت من مفروشات وانتيكا ومرايات وترابيزات , وملابس النوم وبجامات مريحة , زارا هوم يستورد الخامات من ايطاليا وفرنسا على ما اذكر 










العطر المنزلى الرائع " بلاك فانييا " 
حبيت العطر وثباته وريحته ناعمه وهادية بس بتملى الغرفة 
التغليف والعبوة تقفيلها جميل , يمكن بس المشكلة الوحيدة فى العيدان لما تخلص او تنشف شوية مفيش بديل بتضطر تشترى واحدة 
تانية بالعيدان الخاصة بها 





ثانى شئ ااشتريته : 
كانت علبة من المرايات من الداخل مبطنه بالقطيفة السوداء 
القطعة لوحدها حلو فى حد ذاتها وشكلها جذاب , ممكن تستخدميها فى غرفة الجلوس او كقطعة انتيكا على البوفيه ممكن تزينى تسريحتك بيها او تحطيها جنب سريرك بيكون شكلها حلو وبتليق فى اكتر من مكان وده فى رأى اللى بيميز زارا هوم عن باقى البراندات 
انها بتهتم ان القطعة يمكن توظيفها اكتر من طريقة وباكتر من اسلوب 






 اخر شى كانت العلب الجولد اللى كنت هتجنن عليها لانها مناسبة بالنسبالى فى تنظيم الاكسسوارات 
وشكلها ملفت للانتباه على التسريحة 
عبارة عن قطعتين القطعة الصغيرة مقسمة من 3 اقسام بالداخل 
والقطعة الكبيرة مزودة بسلسلة عند الفتح 
وانا اعترف انى من عشاق اللون الجولد وهو موضة السنه