ترتيبى لسريرى بتنسيقات مختلفة كل يوم ..شكل الاوضة اتغير خالص

أغسطس 31, 2018

اليوم حبيت اشاركم بتدوينة جديدة , ونشجع بعض نكون سوا منظمين ودايما نفتكر ان غرفتنا هيه عنوان لينا وخاصة اننا بنات
والمفروض غرفنا تكون منظمة ومرتبة و كمان لما تتعودى فى بيت اهلك انك ترتبى وتروقى وتخلى بالك من حاجاتك دى هيسهل عليك انك تنجحى فى بيتك وحياتك المستقلة 


كتيير متحمسة انى اوركم ازاى غيرت من شكل سريرى بلمسات بسيطة وسهلة 


كل واحدة فينا عندها سرير له شكل مختلف عن التانى وكمان مساحة السرير بتختلف 
بس انا عندى السرير الصراحة كبير جدا لدرجة انه واخد نصف الغرفة ههههههه
وركن بسيط للتسريحة والنصف الاخر للدولاب مكنتش حابه تقسيمة الغرفة بس معلش هنغير ونعدل شوية شوية 







المهم قررت اغير من شكل الملايات او مفروشات السرير 

ونزلت الازهر واشتريت قماش لمفارش السرير وفصلته على ذوقى




 الابيض مع الاسود جدا بيلفت نظرى من ناحية الشكل وبيليق جدا على لون غرفتى 









الفلورز وشغل الفينتاج كمان دارج جدا واعتقد انه محبب لكل البنات ممكن تفرشيه مع مخدات سادة وخداديات سادة بس بلون مختلف
جربىه هيعجبك جدا وهيغير شكل الغرفة


كمان اللون روز مع اللبنى من اكتر الالوان اللى بتعجبنى وجبتها على طول بدون تردد 







اكتر قطعة من مفارش لسرير اللى عجبنى جداا لانه باللون الابيض السادة وملئ بالفلورز الهادى وشكله حلو جدا 
والمفرش كمان خامته حلوه وناعم 




اصنعى عالمك الخاص داخل غرفتك لتقضى افضل وقت داخل غرفتك وانتى مستمتعة
وتصبح الغرفة ناعمة ورقيقة تماما مثلك



اوقات كتيير بحب اكل كمان داخل غرفتى او ربما اشاهد بعض الافلام على اللاب توب الخاص بى
مع البيبسى والحلويات وبتكون بالنسبة لى افضل من خروجتى لاى مول او اى مكان اخر
لانه المكان اللى بيعطيكى الالهام انتى صنعتيه بنفسك بناء على اختياراتك
وتنسيقك الخاص وذوقك الرفيع





الفرو :

بيعطى ملمس وشكل جمالى لتنسيقك للسرير ومتوفر منه الوان كتييرة واشكال .., انا حبيت اللون الرصاصى مع الاسود 
لانه بيليق على الابيض والاسود وانا غرفتى بيغلب عليها اللون الابيض والاسود 
وكمان اشتريت الفرو الابيض لانه بيليق على اى شكل او لون 






الخداديات : 

الخداديات بتعطى شكل جميل للسرير ما صدقت الا لما جبتها وصنعتها بنفسى 
اشتريت القماش , حبيته يكون ستان باللون الوردى الغامق من الدرجات المفضلة لى 
واشتريت كمان - الفايبر اللى هحشى بيه الخداديات كلها وفعلا غيرت شكل السرير وترتيبه وكانت شكلها مختلف كمان 

الطريقة اللى بعتمدها فى تنسيقى للخداديات 


بحط 2 مخدة 
2 خدادية فرو 
2 خدادية بلون اخر ويكون فاتح ممكن يكون سادة او مشجر على حسب رغبتك 





كمان ممكن تخلى مفرش السرير سادة والخداديات مشجرة او العكس 
يعنى انا كان عندى مفرش مشجر حبيت افرشه وخليت الخداديات كلها سادة مع دمج لونين من الوان المفرش 
واضفت الفرو يعطى انسيابية وراحة للسرير 
وكانت النتيجة اكثر من رائعة وبالنهاية فيكم تحكموا بنفسكم 




اهم خطوة من خطوات تنسيقى لسريرى هى الاشياء اللى بقتنيها بجانب سريرى 
وبكون محتجاها بجانب سريرى كل يوم 
وطبعا فى اشياء اساسية 
اشياء متغيرة يعنى يوم بحطها ويوم اخر بشيلها على حسب المود 



فازة بها ورد 
علبة المناديل 
تابلوه فى حكمه او صورة 
الاباجورة 






احيانا بحب اشرب حاجه دافية قبل النوم 

شاى بلبن مثلا اولبن دافئ قد ايه بيريح معدتى وبيساعدنى على النوم 
زجاجة الميه بجانب سريرى لانى احيانا بعطش ليلا وبكسل اقوم اشرب






مصحفى كمان ما بستغنى عنه , ربنا يجعلنا من اهل القرءان
ودايما خلى ليكى ورد من القرءان بعد يوم طويل توضأئى قبل النوم واتجهى لسريرك وامسكى المصحفى ورتلى
وسبحان الله مفيش مرة اقرا قبل النوم الا انام وانا مرتاحة ونفسيتى هادية واقوم من نومى خفيفة ونقسى رايقة
عودى نفسك على هذا نسال لله الثبات

موضوعات قد تهمك :







ده كل الموضوع يارب اكون قدرت افيدكم واشجعكم 
انكم تروقوا سريركم وغرفتكم ومتنسيش غرفتك عنوانك 
بتمنى تتابعونى على السوشيال ميديا وكمان تشتركى بقناتى على اليوتيوب 
حتى لايفوتك اى جديد 


لوعجبكم الريفيو متنسوش تتابعونى على :
جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 

 و أشوفكم في ريفيوهات تانيه قريب إن شاء الله 

You Might Also Like

0 التعليقات

من هى رضوى بخيت

Radwa Bkhit

l]مدونة اهوى الكتابة والتصميم والتصوير اعمل كجرافيك ديزاينر اعشق الديكور والتنسيقات اشاركم بتدويناتى عن الموضة والميكب والعناية بالبشرة والشعر والتنظيم والترتيب