ترتيبى لبرفاناتى باشياء من المنزل ..اصنعيها بنفسك -DIY

من افضل الفقرات اللى كتييير بحبها هيه فقرة الترتيب والتنظيم
طوال الوقت وعمرى ما ازهق ولا امل ابدا من التجديد والترتيب
وبحس براحة نفسية وكل شئ فى مكانه مرتب وشكله متناسق وبنسى المجهود اللى عملته كله 

اليوم بهذه التدوينة هوريكم ازاى نظمت برفاناتى كلها بشكل جميل ومختلف وكلها فى مكان واحد 

يلا نبتدى ...,

لى محاولات كتيرة لترتيب برفاناتى ولكن بترجع تانى مش منظمة وتتكركب بسرعة ودى حاجه مبحبهاش 

فقررت انى اعمل حاجه سهلة 

ارفف خشبية وليها درفة بتتقفل عليها لحفظ البرفانات 

الحقيقة انها كانت عندنا بالبيت وكانت قطعة قديمة وهيتم التخلص منها 

الهمتنى انى استخدمها وحسيتها مناسبة ولكن شكلها كان قديم ولونها كمان مش مناسب لديكور الغرفة 

فقررت اعيد تدويرها واغير شكلها وبعملها ميك اوفر 

الادوات اللى احتجتها : 

دهان خشب ابيض

فرشة للدهان 

صنفرة 

ورق جرايد

شريط لاصق

اولا

 بدات اصنفرها واشيل الطبقة الخارجية حتى يصبح السطح كله فى مستوى واحد ويزيل اى زيادات خارجية 

وبعدين بغلف الزجاج بورق الجرايد من بره للحفاظ عليه

ثانيا

  بدات ادهنها من اول وجديد باللون الابيض من الداخل ومن الخارج وتركتها حتى تجف 

ورجعت تانى دهنت مرة تانية لانى حسيت الدهان خفيف 

وبعدين علقتها وبدات ارص البرفانات 

الاسبراى فوق لانها اطول والباقى برصهم تحت 

شكلها عجبنى اوى وشالت كل برفاناتى وممكن لوحبيتى تعمليها فكرتها بسيطه 

ومش شرط للبرفانات ممكن لاكسسواراتك مثلا او كريمات او ميكب كمان 

اضفت ليد للاضاءة الليلية كمان ده خلاها شكلها احلى واجمل لما بينطفى نور الغرفة 

لوعجبكم الريفيو متنسوش تتابعونى على :

جوجل بلس : من هنا

الانستجرام : من هنا 

وقناتى على اليوتيوب : من هنا 

بنترست : من هنا 

 يمكنك معرفة المزيد من : وأخييرا حل مشكلة الشعر الجاف ,التالف,المجهد My routine for damage hair

تريسمى 7 دايز بالكراتين لفرد الشعر..أزاى تستخدميه

تجربتى مع نوكس 
صور نادرة لزفاف الاميرات والملوك فى مصر ..افراح زمان

 و أشوفكم في ريفيوهات تانيه قريب إن شاء الله