يوم مختلف فى بيتزا كلوب ايجيبت Pizza club egypt

أغسطس 31, 2018

من الاماكن اللى من اول مرة لفتت انتباهى  بيتزا كلوب ايجيبت Pizza club egypt

المكان مميز من كل حاجه كديكور للمكان فعلا كانه نادى التصميمات مميزة , كل العاملين فالمكان متعاونيين جدا , الشيف كمان يسلم ايديهم اكلهم ممتاز 

مطعم من المطاعم المفضلة بالنسبالى واللى بنصحكم تزروهم 


حبيت المكرونة بالصوص الابيض والمشروم  من بيتزا كلوب ايجيبت pizza club egypt, بتقدم ساخنه مع ريحان بس بيدى طعم مختلف ومش قوى , المكرونة سمكها معقول غرقانة بالصوص الابيض اللى طعمه مظبوط وبيخلى المكرونة طعمها ممتاز وكمان معاهم مشروم بيدى طعم للصوص مع المكرونة 


بيتزا كلوب ايجيبت pizza club egypt


كمان بيقدموا مع المكرونة التوست المحمص الخاص بيهم لذيذ حبيته 

الاسعار عندهم بتختلف من صنف للتانى 
انا طلبت المكرونة كانت ب 70 جنيه تقريبا وشبعتنى جدا وبيقدموا معاها مشروب ساقع بيبسى فالغالب مع قوالب التلج 


بيتزا كلوب ايجيبت pizza club egypt


كمان طلبت اخد معايا تيك اواى , عجبنى تغليفهم والباكيدج الخاص بالمطعم 

مميزين زى ما انتو شايفين باللون الاصفر وفخامة المكان كانك داخل نادى بيتزا كلوب ايجيبت pizza club egypt

طلبت بيتزا كمان فى عندهم بيتزا كلوب وفى بيتزا فاميلى دى ب 90 تقريبا 
بس طعمها خطييير وعائلية اكيد لان حجمها كبييير اوى 


بيتزا كلوب ايجيبت pizza club egypt
 



لو هتاخدى المكرونة تيك اواى بتكون فى علبة بلاستيك بتحفظها 
انها تبرد وزى ما انتى شايفة شكلها مشهى جداا والطعم حكاية 
نسيت اقولكم ان المكرونة بتيجى مع الفراخ وكمان الصوص 
بتاع الفراخ مع المكرونة بالصوص كله متناغم مع بغضه 



بيتزا كلوب ايجيبت pizza club egypt

بالنسبة للبيتزا حجمها كبيييير جدا انا طلبت بالمشروم والتشيكن 

بالنسبة لسمك البيتزا رفيع جدا , بس هقولكم راى بصراحة لما باكلها مع الصوص بتكون احلى وليها طعم ولكن لما بكلها وحدها بحس ناقصها حاجه , فبالنسبالى المكرونة احلى من البيتزا حتى الان 


بيحى معاها صوص الباربيكيو 
وصوص شوية فيه طعم المسطردة بس بالنسبالى احلى من الباربيكيو 




بتشوفوا حجم العلبة كبيير ازاى بس مش مشكلة طعمها يستاهل 
مكانهم بشارع الميرغنى المكان مشهور جدا هناك بالمكرونات والبيتزا ,
 واعتقد انكم لو طلبتوا منهم مرة هتحبوا الاكل وتطلبوها تانى 




حبيت اشاركم بخروجتى لمكان انا بحبه
 اودعكم على خير واكمل انا مع البيتزا 
لوعجبكم الريفيو متنسوش تتابعونى على :
جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 

 و أشوفكم في ريفيوهات تانيه قريب إن شاء الله 

You Might Also Like

0 التعليقات

من هى رضوى بخيت

Radwa Bkhit

l]مدونة اهوى الكتابة والتصميم والتصوير اعمل كجرافيك ديزاينر اعشق الديكور والتنسيقات اشاركم بتدويناتى عن الموضة والميكب والعناية بالبشرة والشعر والتنظيم والترتيب