تسريحتى الجديدة بالصور..وتنسيقات للتسريحة

أغسطس 31, 2018

هلا وغلا

احيانا نشعر بالفرح والسعادة لمجرد حدوث تغيير بسيط فى حياتنا , ربما بخروجه حلوة او سفر مع الاهل والاصحاب , مشاهدة فيلم او الاستماع الى موسيقى هادئة , او تغيير بالغرفة 

انا عن نفسى اعشق الديكور واحب التجديد والتغيير وكتيييير بيفرق فى نفسيتى ونفسية من حولى بحس بشعور ايجابى وبكون متحمسة للاستمرار 

تسريحتى من اكتر الاماكن اللى حبيت اهتم فيها واغير من شكلها فهى بالنسبة لى من اهم الاركان فالغرفة 




تسريحتى بالغرفة فى ركن من اركان الغرفة هى الحقيقة كلاسيك اكتر منها مودرن ولكن 
حبيت اغير فقمت بتغيير لونها من اللون البنى الى اللون الابيض مع الحفاظ على شكل التسريحة والتجزيعات فيها , انتى كمان تقدرى تغيرى لون تسريحتك بالشكل المناسب للون الغرفة 





حبيت احط عليها مكياجى وادواتى بالكامل فى مكان واحد بشكل منظم وكمان مهم احقق عنصر الجمال ويكون للتسريحة شكل مميز وجميل ولافت للانتباه 
مبحبش ابدا البنات اللى بتعرض كل ادواتها خارج التسريحة , لكن ممكن نخلى جزء محفوظ داخل التسريحة وجزء بالخارج 
ونختار اكتر الاشياء نحطها بالقرب منا 







فى هذا الركن حبيت احط كل برفاناتى لو حابين تعرفوا ازاى نظمت برفاناتى وازاى عملت الرف الخاص فيها 
من هنا : 

ترتيبى لبرفاناتى باشياء من المنزل ..اصنعيها بنفسك -DIY





واختار تكون السجادة فيها لونين الابيض والاسود وكتييير عجبتنى التسريحة وحبيتها اكتر مع شكل السجادة الجديدة 



......




المنظمات الاكريليك من ايكيا ساعدتنى كتيير انى  انظم فيها كل مكياجى حطيت الارواج والفاونديشن اللى على طول بستخدمه 
وكمان البرايمير 
من اكتر اللى بيعجبنى فالمنظمات الاكريليك انها شفافة وبالتالى بتعكس اللون اللى جواها وتظهره ومش هتربطك بلون معين 


ترتيبى لتسريحتى


الجزء التانى من التسريحة : 

حطيت فيه البلاشر والهايلايتر والاقلام والكحل وميكب رسم الحواجب وكمان الايشادو 
بس حسيتها مع الوقت لم تعد عمليه لان المكيب كتتييير ومحتاج منظمات اكبر 
فلو عندك ميكب بسيط ممكن تشتريهم وبيكون شكلهم مناسب ليكى 







اخدت من ايكيا المنظم للفرش شكله اعطى جمال للتسريحه وكمان حسيته مناسب لان لونه ابيض مناسب للون التسريحة 
الحلو فى منظمات الاكريليك من ايكيا انك ممكن تفكيها وتتحرك وممكن تحطيهم بعيد عن بعض 











اضفى لمسة جماليه لتسريحتك 

مهم جدا ان يكون للتسريحة شكل مش مجرد علب واشياء فوق التسريحة فقط 
بحب دايما اللى يدخل اوضتى يشوف التسريحة شكلها حلو ووميز وتخطف الانظار 
بوكيه الورد من اهم الاشياء اللى ساعدتنى اعمل ده وفعلا شكلها غير كتيير وكسر شويه من الشكل الروتينى للتسريحة وجذب الانظار بشكل كبير 



المرايه 

, مهم يكون عندك مراية صغيرة على تسريحتك دى بتكون افضل , انا عندى مرايا باللون الجولد بحب اللون الجولد مع الابيض ولو حبيت اغير لونها ممكن اغيره برشها باللون اللى يعجبنى بس اللون الجولد بعتقد ما اقدر استغنى عنه 

كمان اضاءة التسريحة من اهم الاشياء اللى بتدى جمال لتسريححتك 

بحب كتيير الاضاء الهادية warm  بس مش بتساعدنى فالتصوير 
فلذلك بعتمد على ضوء الغرفة وكمان المراية الخاصة بالتسريحة بها 12 لمبه ماشاء الله فنورها بيملى الغرفة 







كمان حطيت الغسول من غارنييه لانى بستخدمه بعد الميكب واحيانا بحس ان مكانه مش مناسب فبغير مكانه 
حسب المود 




انتى كمان جددى تسريحتك وشوفى افكار كتيير
 واصنعيها بنفسك وممكن كمان تشاركينا بتجربتك 



لوعجبكم الريفيو متنسوش تتابعونى على :
جوجل بلس : من هنا
الانستجرام : من هنا 
وقناتى على اليوتيوب : من هنا 

بنترست : من هنا 

 و أشوفكم في ريفيوهات تانيه قريب إن شاء الله 







You Might Also Like

0 التعليقات

من هى رضوى بخيت

Radwa Bkhit

l]مدونة اهوى الكتابة والتصميم والتصوير اعمل كجرافيك ديزاينر اعشق الديكور والتنسيقات اشاركم بتدويناتى عن الموضة والميكب والعناية بالبشرة والشعر والتنظيم والترتيب