انجازاتى لعام 2018 عام المفاجئات ة والاحداث الغير متوقعة ..

ديسمبر 28, 2018

بسم الله الرحمن الرحيم 




عام جديد ملئ بالمفاجأت والفرص 
مختلف تماما عن العام اللى قبله 


اليوم اخر يوم في سنة 2018،

كنت مترددة كثيرة فى كتابة هذه المدونة ربما لدم رغبتى فى تذكر ما فيها من احداث 
اعتقد ان هذه السنة كانت من اكتر السنوات صعوبة وكم تمنيت ان تمضى مسرعة  ..قمت بأشياء لم أتخيل انى استطيع فعلها يوما  وتحملت امور لم اكن اعتقد انى بهذه الدرجة من قوة التحمل , ولكن هذا ماحدث مررت باحداث صعبة لم اكن اتحملها لولا وجود الاصدقاء والاهل بجانبى يدعمونى نفسيا للخروج من المحن ،، 

لكنى اراها فالمجمل سنة اختبار حقيقى للاستمرار فى طريق النجاح ..

واكثر ما اسعدنى هو رؤيتى لشخصيتى وهى تنضج وتتحول لشخصية قوية ذات فكر وقدرة على اتخاذ قرارات مصيرية فى حياتها 






            بعض النقاط الي تعلمتها في هذه السنه :::

من الاشياء التى خرجت بها من عام 2017 ان استمر فى متابعة التقييم وترتيب اولوياتى من خلال كتابة كل شئ وتدوينه 
ومقارنة نفسى بنفسى ... دون النظر الى احد 
سابدا هذه السنة بالحديث عن غرفتى الصغيرة 
او عالمى الخاص ..كانت من ضمن اهداف العام ان احسن واجمل فيها 

سريرى 

انا من الشخصيات اللى بحب ارتب وانسق طول الوقت دون ملل بل احيانا يخرجنى هذا الشعور من حالة الملل او الروتين 
فقررت انى اضيف بعض اللمسات لسريرى 


تعديلات بالغرفة وسريرى

اخترت اقمشة على ذوقى وفصلتها ملايات سرير وخداديات وطبعا بيفرق فى شكل الغرفة وتنسيقها بالكامل 




فى هذه التدوينة شرحت طريقة تنسيقى لغرفتى وخاصة سريرى 

فى هذه المقالة :




بحب يكون جانبى عالسرير نوت بوك والمج الخاص بى 



ربما بعض الورود تضفى شئ جماليا للغرفة 





كمان الفرو ممكن تشتريه وتزينى بيه غرفتك وبيكون فى الوان كتيير انا اخترت الرمادى حبيت اللون والملمس وحسيته لايق كتيير على الغرفة 








والمصحف وعلبة المناديل  وربما اشرب شئ دافئ قبل النوم بيريح المعدة وبيخلينى انام بسرعة ...

النتيجة فالاخر مفرحة بالنسبة لى التغيير فعلا بيخلى الواحد نشيط ونفسيته احلى 

وكمان من ضمن الامور اللى كنت هموت واشتريها اى حاجه من اويشو بجد خامات بجامات النوم تحفة وناعمة ومريحة فاللبس جدا 




اختيارك لملابس النوم المريحة بيساعد على الهدوء والراحة وبيسهل النوم كمان 
بفضل دايما الملابس القطنية وتكون فضفاضة بيعطى احساس بالراحة 











جنبك عالسرير خلى دايما الحاجات اللى بتستخدميها بكثرة انا بالنسبة لى بحب الكاندل والغميضة وكريم مرطب وعلبة المناديل 
دى من اكتر الامور الضرورية اللى بحب تكون جانبى عالسرير , بالنسبة للهاتف بحب احوله عالوضع الصامت واغلق النت وادخله الدرج واناااااام 








تسريحتى 

تسريحتى ومكانى المفضل اللى بحبه جدا هذا العام اخدت كتيير من وقتى وفلوسى كمان هههههه ... بس كانت النتيجة بتجنن 

1/ دهنت التسريحة باللون الابيض لانه اكتر لون مناسب للغرفة 

2/ بدات انظم كل حاجه فى مكانها من خلال المنظمات الاكريليك اصبحت مننتشرة وهتلاقيها كمان بايكيا 

3/ الماتيريال : اتخلصت من كل الخامات القديمة لان المكيب له صلاحية كمان 
وبدات اكتب مشترياتى الجديدة من الميكب الاكثراحتياجا 



ميكب وعناية بالبشرة


صممت التكست ده على الفوتوشوب وطبعته وبروزته ببرواز مييز وباللون الاسود ليناسب جو الغرفه 
لانه الغرفة مميزة باللون الاسود والابيض 
مش عارفه ممكن اغير الاستايل فيما بعد ولا لأ , لانى بزهق بسرعة وبحب التجديد




من افضل الفقرات التى احبها فقرة الميكب بعد انتهائى من الكورس والورك شوب العام السابق اجتهدت على نفسى وبدات اجرب واتعلم اكتر واجرب ماركات جديدة 


 zarahome


 لاانسى جولتى ب زارا هوم واشتريت بعض الاشياء اللى غيرت شكل تسريحتى للافضل 




 اعواد الفانيليا من زارا هوم تجنن بتملى ريحة الغرفة برائحة ناعمة وجميلة 
انا بحب الروائح الهادية واحيانا المسكرة كمان 




* غيرت طريقة تنظيمى للبرفانات وخصصت مكان ليهم 







اشتريت البرفان الجميل ده من دولسى جابانا وريحته كانت من الروائح اللى عجبتنى ولفتت انتباهى من المرة الاولى , انا من الناس اللى اعترف انى معنديش عطر مميز 
لكن فى عطور بتجذبنى وبحس انى احب احطها طول الوقت واحب ريحتها تفضل بالمكان وكان منها دولسى جابانا






اشتريت الكاندل من باث اند بودى ورك منتجات bath&body works مختلفة وناعمة مناسبة لجميع الاوقات وليها دايما ريحة مميزة 






تنسيق التسريحة يتطلب الكثيير 
يحتاج الى الاهتمام بالشكل الخارجى 
مكان مناسب وكافى للميكب وجميع مستلزماتك الخاصة 
ادوات العناية بالبشرة والاجهزة تحتاج لمكان خاص بها 
وضعت باعتبارى سهولة الاستخدام من حين لاخر حتى يعود كل شئ لمكانه بمنتهى السهولة 





اضافة الزهور للمكان بيعطى شكلا مختلفا للغرفة ككل ويجذب الانتباه 

حبيت لون الزهور وجميع الالوان والاشكال بتلاقيها فى ايكيا 






بالتالى اختلفت الصور اللى بنزلها على الانستجرام بيكون شكلها مختلف تماما 
وفيها لمسه جمالية 
لاتنسوا تتابعونى على الانستجرام من : هنا 












اذا مهتمة ب : 

روتينى للعناية بالشعر








* من الامور الجديدة ه اللى جربتها فى 2018 الاكريليك 

من خلال زيارتى لصالون التجميل 


 


النتيجة ابهرتنى الحقيقة وبتفضل على الايد لمدة 17 يوم وبعدها بتعملى ريفيل لو هتعمليها بنصحك متعمليش طبقة الجل بعد الفنيش 

* جربت البروتين كمان عندهم وارتحت جدا وقريب هينزل بالمدونة تجربتى مع البروتين لشعرى والروتين اللى مشيت عليه للحفاظ على جمال الشعر بعد البروتين 





ركنى المفضل 

غيرت كتيير بالشكل العام للمكان بالصالة واصبح من اكتر الاماكن راحة بالنسبة لى 
يعنى الشكل القديم كان لونه غامق حدا وكلاسيك اكتر من انه مودرن 
حبيت اعدل بشكل بسيط فى الكنبة والستائر ودهنت الحوائط بشكل جديد 






زينتها بالورد وحامل الشموع من ايكيا بيعطى منظر جميل ليلا 





الجميل فالامر ان الكنبة لونها ابيض بيخليها تليق على كل الالوان والاشكال وفيها خط باللون الاسود حبيته كمان حسيته فرق بالشكل انتظروا قريبا على مدونتى تنسيقاتى للصالة 



 زينتها بالخداديات البينك الناعمة فيها لمعة الستان 
الفرو الابيض 
زهرة الصيار 

غرفتى قبل وبعد room makeover


https://www.instagram.com/radwaartest/







***************


 هذا العام من اكتر الامور اللى فخورة بيها انى اخيرا عدت لكتاباتى ولمدونتى بافكار وموضوعات جديدة 

 شنط تيد بيكر وشنطتى اللى اشتريتها منهم
       يوم استرخاء فى ال سبا --SPA

ترتيبى لبرفاناتى باشياء من المنزل ..اصنعيها بنفسك -DIY


اتمنى كتاباتى تنال اعجابكم , 

وانغماس المرء فى حياته يجعله ينسى امر الكتابة الا فى لحظات يشعر فيها انه يحتاج ان يكتب , على الرغم من الاحداث التى كنت امر بها الا اننى لم اكتب 

وكمان سويت فيديو على اليوتيوب 
 ما تنسوا تسووا اشتراك بقناتى : من هنا 


                                   ****************

                      بالنسبة لاهتمامى بالرياضة والتغذية 

اعتقد اننى بين الحين والاخر احتاج لمن يذكرنى بالامر 
الموضوع يحتاج لمجهود للاستمرار والمواظبة على الرياضة والنظام الغذائى المناسب 




 اصبح الجيم موضة العصر وكل شخص بيروح الجيم لازم يصور ويرفع صوره بالسوشيال ميديا 
من وجهة نظرى ان الامريتطلب دافع اكبر للحصول على نتيجة ليس من اجل التظاهر 




هذا بالاضافة الى  نظام غذائى أسير عليه منذ فترة اتمنى انى اواظب 
للوصول للنتيجة اللى ترضينى 


*********


 على مستوى عملى 

على صعيد العمل اصابتنى احباطات فى بداية السنة لترك بعض الاشخاص العمل نتيجة لتصرفات غير عاقلة منهم 
وتسلسلت الاشخاص الذين الفتهم واحدا تلو الاخر واصبحت اشعر بالعزلة واصابتنى لفترة هاجس الخوف ان يصبح مصيرى مثلهم مع اختلافى الكبير عنهم فى التفكير وانتاجى فالعمل 
.....

راضية كتيير عن النتيجة اللى وصلتلها بشغلى وبتمنى اعطى المزيد * اصبحت اقدر اتعامل مع العملاء واقوم بعمل تصميمات ليهم واحافظ على اكونت لكل عميل عندى *اهتميت اكتر انى اشارك شغلى على البيهانس تقدروا تشوفوه من هنا *تصوير المنتجات وده كان مجال جديد نفسى اركز فيه اكتر لان تصوير المنتجات فى بعض التكنيك 

* انهيت كورسات السوشيال ميديا وseo, google ads , social media management & ads وحصلت على شهادات معتمدة وكنت محظوظة لانى اخدت الجانب النظرى والعملى وكان عندى المشروع اللى اقدر اطبق عليه 

* فى نفس الشهر خسرت عملى كفرى لانس مع شركة كنت اتعامل معها بالكويت واصابنى الاحباط لفترة ولكن الله عوضنى بشركة اخرى واكثر احتراما والتزاما وارتحت كثييرا فالتعامل معهم ماديا ومعنويا 

شهر 5 كان من الشهور الجميلة اللى مررت بها فى هذا العام

 لانه كان بدايه تحقيق اكبر احلامى " تاسيس شركة خاصة بى " كنت دائما وانا صغيرة اتسال هل يوجد مهنه ممكن اجمع فيها كل مهاراتى ؟! وكنت دايما اقول صعب لكن لما كبرت قدرت احقق ده , جمعت بين التصوير والرسم والتصميم والكتابة وشغفى بالتنظيم والترتيب وامور الديكور وحبى للشرح والادارة هذا بالاضافة انى اقدر اطور من نفسى بكورسات اكتر لاستزيد من العلم .. اعتقد فى قرارة نفسى انى م المحظوظين ولله الحمد والمنه 

وبدات بعمل التصميمات وتحضير اللوجو وبروفايل الشركة واخذت الامر بجدية ربما اخرتنى بعض المهام والامور الاخرى ولكنى ما زلت مصممة ان اجعل من هذا الحلم حقيقة ويصبح قويا ولامعا كنجوم السماء 


*كانت من ضمن الاهداف اللى عايزه احققها انى اتعلم الميكب واتقنه اكتر وفعلا قدرت احقق حلمى واخدت كورس فالميكب وحصلت عالشهادة واشتغلت بيه واشتغلت فى بيع الميكب وكنت بشترى بنفسى الماتيريال واروح اوصلها للعميلة 

متعة حقيقية انك تعمل حاجه بتحبها بتحس بشغف وانا بكتب الان تذكرت ايام جميلة اتمنى ان يعود بى الزمان للوراء

*من الامور التى لم اكن ارتب لها وشعرت باهميتها فيما بعد " فتح حساب بنكى "
وكان من الامور الضروروية بالنسبة لى الى الان وليست من باب الرفاهية 

* من الامور الملحوظة تطور مستوى شغلى بشكل افضل من ناحية التصميمات 
وتطبيقى للدمج والافكار الجديدة 
* من الامور التى سعدت بتصميمها بوستر فيلم مشروع تخرج اخى احمد " صيف 96"
/* زيادة المتابعين على الانستجرام واعجبنى كثيرا الهايلايت والستورى الخاص بالتحديث الجديد للانستجرام 

قراءة كتابين جدد طول السنة الحقيقة مش بطئ منى هههه ولكن من المجهود وضيق الوقت كنت بحاول اختلس الوقت للقراءة


من الامور اللى اتعلمتها السنة دى : 
*مهما كانت الظروف ومهما كان تخطيطك لحياتك تقدير ربنا هوه اللى هيكون فى النهاية وهو الخير لكى 
* قيمة نفسك : كل ما اجتهدتى انك تعرفى قيمة نفسك عمر ما شخص هيرخصها ولا هيقل منها ابداا , قيمتك الحقيقية فى ذاتك واللى بتعرفى تعميله وتتقنيه من ابداع وانجازات بتحققيها ودورك عموما فى الحياة 
*ظهور اشياء واشخاص بتاخد من وقتنا ومن تفكيرنا وفالاخر لا تسمن ولاتغنى من جوع , ظهور الاشياء دى فى طريق بتشتت تركيزك وبتسرق من مجهودك وتفكيرك خليكى دايما جوه دايرتك ركزى اكتر وحاولى مرة واتنين وتلاته وقارنى نفسك بنفسك ومتديش حد اكبر من حجمه ولا اكتر من وقته 



بالنسبة لجولاتى وخروجاتى السنة دى 


الحقيقة انا بالرغم من خروجاتى بحب البيت جدا وبحب اقعد فغرفتى كتييير واقضى وقت كبير فمكانى المفضل " comfort zone"   بالتجمع الخامس 


عجبتنى اوى الفازات الفخار المنقوشة برسومات زخرفية جميلة وكمان الاستايل ده موضة السنة دى جداا 



المكان عبارة عن مول من 3 ادوار كلها مليئة بديكورات خشبية وفخار وكريستالات 






علبة المناديل اشتريتها من عندهم شكلها عجبنى وسعرها مش غالى الخامة من المعدن القوى ومرسوم عليها بالورد 




اكتر حاجه عجبتنى المرايات اللى عندهم والانتيكا

****************



من اكتر الاماكن اللى انبسطت انى روحتها دكان دابيكتشر فى ميدان سفير 
بجد عندهم اشياء للديكور وهم وعجبتنى جدا وكلها هاند ميد وقليل اوى لو فى حاجه مستوردة











ومن احد الاماكن اللى اكتشفتها بالصدفة بس المكان ةالاجواء جميلة اوى بالداخل 
المكان مش بس بيقدم اكل بقدملك فخار تلونى وترسمى عليه لحد ما الاكل يجهز وبعدين
يدخله الفرن ياخد لون ويتعرض فالمحل المكان روعه 











********************

مكانى المفضل " ايكيا " 

الديكور والتصاميمم بتخطفنى الحقيقة مش دايما بروح عشان اشترى ولكن كمان بحب اخد افكار لتنسيق منزلى وغرفتى 
والاحتفاظ ببعض التصاميم والتنسيقات لمحاولة ترتيبها 







كان يوم مختلف ومميز وانبسطت جدا وقضيت وقت لطيف فى ايكيا


متنسوش تعملوا ايكيا فاميلى عشان تحصلوا على الخصم 


******************

بيتزا كلوب لانه قريب من مكان عملى احيانا كتيير بحب اتغدى فيه بحب اوى المكونة 
هنا ريفيو كامل عن المكان : https://radwabkhit.blogspot.com/2018/08/pizza-club-egypt.html

بيتزا كلوب






مطعم شيك شاك للفراخ 
من المطاعم المفضلة بالنسبة لى 





الفراخ مقدمة مشوية وتقدم مع السلطات والمقبلات 
بالنسبة لى الكول سلو من اجمل السلطات والودجيز اما بالنسبة الارز ماحبيته والفراخ متبلة 
بتتبيلة الخاصة بهم 





مطعم zooba زوبا فى الزمالك 



فى رحلتى الصباحية للعمل بحب افطر من زوبا بطاطس بللبنة والطماطم والجرجير والبيض بالبسطرمة 
بس اسعارهم غالية شوية
وجربت كمان من مطعم قدرة الفول والبيض والبطاطس والجبنة 
اللى عجبنى اكتر الجبنة والعيش المخبوز يدويا 







************





****************
فى النهاية بالنسبة لى مااشعر بالاستياء منه من هذه السنة بعض الاشخاص الذين انخدعت فيهم 
واشخاص انقطعت علاقتى بهم واشخاص علاقتى بهم توترت وانا دائما ارى انى فالنهاية اخسر علاقاتى حتى وان كانت متوطدة بتصرفات غير مقصودة منى او منهم
لم اخرج من هذا العام باحد سوى نفسى وتعلمت دروس لن انساها طوال حياتى واخطاء ندمت عليها واحاول جاهدة ان اصحح اخطائى واستقيم 
علمتنى المواقف ان لا احد يحمل هم احد وان جرحك لن يداويه غيرك 

للهم أنى اعوذ بك من فقدان الشغف وسعى يستنزف أنفسنا بلا جدوى وحياة بلا هدف ،والتعلق بما لا يستحق وجنبنا طول التمنى وحرمان الوصول

دمتم بسعادة :)

You Might Also Like

0 التعليقات

من هى رضوى بخيت

Radwa Bkhit

l]مدونة اهوى الكتابة والتصميم والتصوير اعمل كجرافيك ديزاينر اعشق الديكور والتنسيقات اشاركم بتدويناتى عن الموضة والميكب والعناية بالبشرة والشعر والتنظيم والترتيب